Магӏалбикера Гогола цӏерагӏа урам тоабир
21.10.2025 11:56
Магӏалбик-Шахьара №1 йолча Центральни дарбанчен тӏехьашкара Гогола урам, асфальт буллаш, тоабир. Никъ тоабар чудоагӏаш да шахьара дика хьалаш хьакхоллара йолча программанна.
«Керда асфальт ӏобилларца дувзаденна, урама куц тоадарал совгӏа, массехк кхаленна керттера оагӏув а вӏашагӏтох. Дарбанче, ишколе ваха аьттув дикагӏа ба, из лоархӏаме да бераш долча даьшта, иштта лорашка ухача наха. Цун юхерча цӏеношка бахача наха кхы халонаш озаргьяц цу наькъ тӏа», - аьлар «Сердало» газетага шахьара администраце зарбан болх лелабераша.
Моттигерча бахархоша мах бир цу деша, уж раьза ба хӏара денна эшаш дола вахара хьалаш кхоллара.
