МагIалбике керда хин турбаш чуяьхкай
05.02.2025 12:57
Бахархоша тишъенна, 350 метрага кхоача хин турбаш хувцар дехаш леткъача, МагIалбикерча Братски оалача урама хьал тахка ваха хилар шахьара да вола Галай Муса.
Даим лелхаш хинна хин турбаш хувца арабаьлар «ЦаI вола оператор» яхача ГУПа болхлой. Мукхйиа турбаш дIаяьха, хьийнача хIамах яь турбаш чуяьхкар цига.
Иштта мехка бахархошца телевидене гIолла къамаьл деш, цигарча цхьан вахархочо дийхар канализаци йиллар, никъ тоабар. Шахьара дас белгалдечох, урама хьал тоадеш дикка къахьега лаьрхIа ба уж. «Сердалога» из хоам бир цу моттигера.
