МагIалбике хий чудилла керда моттиг хургья
24.10.2024 16:42
МагIалбик-Шахьара цхьан урам тIа керда хин турбаш чуйоахкаш дола балхаш дIадоладир, яхаш, дийцар «Сердало» газетага моттигерча мэре.
«520 метр йола хин турбаш чуйохкаш латт лаьрххIача операцен доакъашхо вахача урам тIа. Шахьара кулгалхошка бIухочун нанас дехар даьчул тIехьагIа, из хаттар теркаме ийцар МагIалбик-Шахьара кулгалхочо Галай Мусас. Говзанчаша яхачох, хий хьадоагIаш хургда кастлуш», - аьлар хоамо.
Белгалду, администраце вахара даькъе лаьрххIача операцен хIара доакъашхочун социальни паспорт да, цун хьашташ цу тIа латташ а да.
Даим цу гIулакхах бехктокхаме болча говзанчаша, мехка кхыча болхлоша бIухой а цар дезалий а вахара хьалаш тоаду.
