ГӏалгӀайчен МагӀалбике гаьнаш йоӀаш болх дӀахьу
12.02.2025 15:25
Шахьара Серго Орджоникидзе цӀерагӀча парке, гаьнаш йоӀаш бола болх дӀахьош ба, цо таро лу лазар ца кхетийта, кхыдола чоапилгаш латара зе ца хилийта а, аьлар «Сердало» газетага шахьара администраце.
«Дагабоаллам хила безаш хӀама дац, цу тайпара доал ду царна уж лазарех лораеш. Говзанчаша санитарно-къонъяра дола балхаш дӀахьу гаьнаш шоай ханнахьа дӀатедаш, михо беш бола Ӏоткъам лаьгӀбеш, уж Ӏолегаргйоацаш чӀоагӀа хургйолаш. Иштта дӀайоах екъа, лазар кхийтта гаьнаш, дукхагӀа сердал а кхыбола дегӀаяра кхача а царна дӀакхоачийташ», - аьлар хоамо.
Парк кийчъеш я Коталон Ди хьатӀадоагӀаш, укхаза дукха нах гуллургба. Цу тайпара болх бу аллея доазонаш тӀа , цӀена а лостам баь а хургйолаш.
