Къахьегама шоатта дӀадихьар МагӀалбике
Шахьара да волча Галай Мусас кулгал деш, МагӀалбике къахьегама шоатта дӀадахьа арабаьлар тахан. Шахьара малхбузен оагӀорахьара моттигаш, гонахье цӀенъеш къахьийгар бахархоша.
«СалаӀа Ӏохувшараша шоашта тӀехьа дӀа ца йоахаш йитача нувхий гувнаш дӀадоахаш баьхкар Ӏаламах дог лазараш. Пластикан, Ӏоакъинга шушаш, килёнка тӀормеш, каьхаташ юкъе дола галеш диза дукха нувхаш араяьхар цу моттигашкара», - йоах хоамо.
Иштта цӀи ялара кхерам бола, Ӏолийга яда гаьний ткъоврош, дӀа-хьа яьржа новкъарле еш йола баьцаш дӀайоахаш баьхкар гулбеннараш. Иштта йолча беркатеча кхетаченаша хам баь варгвоаца доккха дика ду, Дала вайна хьаденнача Ӏалама. СалаӀа арабувларашка дехар ду, боккъал а дӀаяха шоашта тӀехьара нувхаш, селлара эхь, юхь дайна ма хила, лорае Ӏалама моттигаш!
