ЦӀаьхха, моллагӀа хатар ийккхача эггара хьалхарча аргӀагӀа де дезар хьалхадоаккхаш бола болх дӀабихьар МагӀалбике. Из хоам «Сердало» газетага бир цигарча администраце.

«МоллагӀча хатарех адам лорадарах йолча РФ Министерствос соцам баь, федеральни бокъонга гӀолла дӀахьош гӀулакх да из», - йоах хоамо.

«Дагадоаца хатар хинна моттиг хуле, шоай фу де деза наха хьалхадоаккхаш болх ба бер. Эггара керттердар - де дезар шаьра ховш хила беза берригаш», - белгалдир шахьарерча администраце ГО, ЧС оагӀон кулгал деча, цу балха хьалха латтача Меданаькъан Башира.

ЦӀеношта кӀалхарча подвалашка, хатар эккхарах хоам беш йола сирена, сигнал юкъелоацаш дӀадихьар деррига. Цу юкъе дакъа лоацарашта хьалхадаьккхар, хатар ийккха хьулабала безача хана, эггара хьалха фу де деза, мишта лорабала беза.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде