НачӀас дӀаухача моттигаца нийсденна кхоачамбоацараш юстардаьхар МагӀалбике
11.04.2025 10:27
МагӀалбиканна чуйоагӀача шоллагӀча кхален Котанаькъан цӀерах болча урам тӀа бӀеха хиш дӀауха турбаш дӀайикъарах этта хатар юстардаккха, аьнна, оарц дийхар бахархоша.
«Дошо дӀоагӀа» ООО яхача оагӀон болхлой арабаьлар из хьал меттадоаладе. Сов дукха хӀамаш хьаӀайна дӀайикъаяр турбаш, хий тӀехдаха бӀарчча Ӏам эттабар урам тӀа.
«Бахархоша из гӀулакх лора ца дарах дӀаюкъ турбаш. БӀеха хиш дӀаухача турбашка пахашкаш, пакеташ, пластика хӀамаш, хаьсаш цӀендеш совъяьннараш Ӏочуахийта йиш яц. Цу хӀамаша хий дӀачакхдалийтац», - йоах хоамо.
Иштта бахархошта хьалхадаьккхар, ЖКХ оагӀонцарча балхех доагӀа декхар ханнахьа дӀатела дезилга.
