«Геттара дукха машинаш лелаш, дукхача хана денз тоабе безача хьале кхаьча урам бар из», - белгалду шахьара да волча Галай Мусас. Къаьнара никъ хьалъэцаш, новкъарле еш йола гаьнаш дӀайоахаш, машинаш Ӏоувттае доазув къоастадеш боахк къахьегамхой тахан.

Шахьара рузкъах дӀахьош ба из беркате болх. Бахархошта доккха совгӀат хургда цу моттигах, каста из болх чакхбаьккха баьлча.