МагӀалбике хиннача аварена, бехкечунна духьала гӀулакх хьадийллад
12.05.2025 13:18
Массехк саг лозавеш, авари яьр бехктокхаме озаргва Ӏаьдала болхлоша. Из хоам «Сердалога» бир МВД. Физкультурни, Херсонски оала урамаш вӀашагӀкхетача хилар из хатар укх бетта 3-ча дийнахьа.
Полице болхлоша белгалдечох, «Лада Калина» яхача машинаца хинна, Ӏаьдало машина каьхаташ дӀадаьха вола мехкахо, светофоро тела цӀе сердал теркал ца еш, «Мазда» яхача машена тӀакхийттав, тӀаккха цун хьалха лаьттача «ВАЗ-21093» машинах кхийттав.
Шинна машина чу баьгӀараш, дикка лозабаь болаш, дарбанче Ӏочубигаб. Машинаш Ӏаьдало дӀайигай, хӀаьта цу хатара бехке волчун гӀулакх тохкаш латт. Авари хиларах бехкевар а дарбанче улл.
