СВО доакъашхой дезалий дехараш тохкаш хилар МагӀалбике
09.06.2025 10:58
«Даьхен лорбой» яхача ганза моттигерча филиала болхлоша СВО доакъашхой цӀагӀарча наьха дехараш тохкаш йола кхетаче дӀайихьар.
«Шахьара бахархошца къамаьл деш хиннараш бар Халкъа Гуллама депутат вола Совтанаькъан ХӀарон, филиала вахара хьашташ кхоачашду Коазой Хьамид. Наьха дехарашта юкъе дар лорашкара гӀо эшар, санаторе, курорте баха аьттув баккхар, де доацаш байна бӀухой хьалахар, лаьттанца гӀо дар, бӀухошта доагӀа ахча хьадалар», - йоах тхогарча хоамо.
Совтанаькъан ХӀарона ше тӀахьожам беш, дӀахьоргба аьлар цар хьашташ кхоачашдеш бола болх, СВО доакъашхошта, цар дезалашта могаш дола гӀо дергда аьлар.
