«Хьалхарчар никъ» яха ловзараш дӀадихьар МагӀалбике
11.06.2024 09:16
«Хьалхарчар никъ» яхача оагӀонцара спорта ловзар дӀадихьар МагӀалбике. Из хоам «Сердалога» бир «Хьалхарчар болам» яхача моттигерча оагӀон зарбан болх лелабераша.
«Шоай мел бола низ тӀабахийта, кадай кхесташ, хьалхабаьлар кхаь ишколан дешархой. Лакха говзал гойтар МагӀалбикерча №1 йолча гимназе, Инаркъерча №12 йолча ишколан, МагӀалбикерча №18 йолча ишколан тоабаша», - йоах тхога кхаьчача хоамо.
Хьалха оаха тхоай газетага гӀолла хоам баьбар, Наьсарен кхален ялх ишкол хьалхарча моттигашка нийсъеннай, аьнна.
