ХӀама нахалдаккха хьалдийттача улгашца, терминалашца къовсам лоаттабергба МагӀалбике
МагӀалбикерча Ӏаьдало лаьрхӀад, бокъо йоацаш хьалдеттача улгашца, иштта харцахьча моттигашка лоаттаеча терминалашца къовсам лоаттабе. Шахьара совета кхы а 2015-ча шера хӀама нахалдоаккхача арахьа хьалдеттача хоамашта боарам оттабаьбар, хьагучох, цох хьабоалаш пайда бац.
«Шахьара куц-сибат телхадеш дола хоамаш ца хилча бакъахьа да. Цунна цхьа молха мара дац - дӀадахар. Укх тӀехьарча шерашка, шахьара администраце болхлоша ца доагӀача хьалтеха цу тайпара хоамаш дукха дӀадаьхад.
ХӀанз, шоашта бакъахьа хеттача моттиге, гӀишлош тӀа а кхычахьа а уж хьалтеха багӀача нахага из мегаргдоацилга дӀахайташ дола каьхаташ дӀалуш да. ХӀара цу тайпарча моттиге хьалтеха боалла хӀама нахалдоаккха хоам дӀабоаккхаргба», - аьлар МагӀалбик - Шахьара администраце. Цох фу тоалу хьагойтаргда хано.
