МагӀалбике наркоман бехктокхаме эзар, сесага кулг тӀадахьа гӀортарах
МагӀалбикерча полице административни бехктокхаме оттавир наркотикаш эза вола маӀа саг, ший фусам-наьнаца дов даккхарах, яхаш, дийцр «Сердало» газетага ГӏалгӀай Республикан бокъонаш лораераша.
«Россе МВД «Малгобекский» МО оалача ха деча даькъ тӀа, МагӀалбика дарбанчера телефонаца хоам бера; унахой тӀаийбеча отделене, йийтта хиларах човнаш яь, МагӀалбик-Шахьара 24 шу даьнна яхархо я, аьнна.
«Тохкама-хьем боаца тоабанна гучадаьлар, лозаяьчунца хиннача къамаьлах, дов даьнначул тӀехьагӀа, шийна цӀен-дас тохача хӀамах кӀалхаръяла енна, цӀен саьнах кхийтта, дог гӀелденна из Ӏоежа хилар», - аьлар хинначох хоам беш.
ЭгӀазваха, корзагӀваьнна хинна маӀа саг отделе Ӏочувоалавича, гучадаьлар из веха хилар, цудухьа цу сага духьала административни протокол оттадир, цо наркотикаш тохарах.
Кхалсага эшаш дола новкъостал дир, из амбулаторни дарба де дӀахьожайир. Дӏахо из хьал тохкаш да.
