МагӀалбике дийцар, бизнес дӀаяхьарах йоал яккхар лакхдар
МагӀалбика мэре, Галай Мусас кулгал а деш, кхетаче дӀайихьар, йоал яккхара хьал тоаде дагахьа, къайлагӀа лелабу доалахьара болх гуччахьа хургболаш, из тоабара дола хаттараш дувцаш.
«Цига дакъа лоацаш бар Роспотребнадзора, йоал яккхара долча гӀулакха тӀара, МВД, прокуратуран викалаш, иштта мах беча моттигий даьй», - аьлар хоамо.
Керттера терко тӀаяхийтар йоал яккхара моттигашка бизнес лелаяр дӀачӀоагӀдаь хила дезара. Белгалду, бокъо йоацаш болх лелабеш хилар - из закон телхадеш хилар долга. Цунца цхьана белгалдир, тӀахьожама-кассови техника лелае езаш хилар, цо таро лу йоал яккхара тӀахьожам нийса лелабе, хьатӀабоагӀа пайда дикагӀа гуш хилийта.
Цига лаьрхӀар, цхьана рейдаш дӀакхахьа мах беча моттигашка, йоал ялара закон лорадой хьожаш, кхерамзлен Ӏалашо йий а эшаш дола каьхаташ нийса дий а тохкаш.
