МагӀалбике «Зарница 2.0» ловзара юкъе моттигерча даькъ тӀа котбаьннараш хьакхайкабир
ГӏалгӀайчен МагӀалбике хьакхайкабир «Зарница 2.0» яхача патриотически лавзаре котбаьннараш. «Хьалхарчар Болама» хьинар дараша гойтар тайп-тайпарча даькъ тӀа шоашта карагӀдоалар, яхаш, дийцар «Сердало» газетага из болх вӀашагӀбеллараша.
«Бераш чакхдаьлар сихалах, низ хиларах, сакхетам болаш хиларах. Хӏара доакъашхочо ший начӀал гойтар юкъарча гӀулакхе, цхьана толамаш даха кийча хилар а гуш дар»,-аьлар хоамо.
МагӀалбика шахьара №16 йолча боккхагӀбарий тоабанна коталон моттиг елар, шоллагӀа, кхоалагӀа моттигаш яьхар №5, ишкола №20 йолча юкъерча ишколаша.
Иштта цига белгалбаьлар №18 йолча юкъерча ишкола зӀамагӀбараш. ШоллагӀа, кхоалагӀа моттигаш №16, №5 йолча юкъерча ишколашта елар.
ДикагӀа бола доакъашхой мехка ловзар дӀахьош яхьебаргба, карарча шера маьтсела бетта.
