Россе Паччахьалкхен байракха Ди дездеш ба мехка
МагӀалбикерча Серго цӀерах йолча парке Россе Паччахьалкхен байракха Денна хетаяь кхетаче дӀайихьар. Цу кхетаче лоархӀаме дакъа лоацаш хилар Инаркъерча № 23 йолча ишкола дешархой, «Мехкдаьттхо» яхача салоӀача лагерера бераш. Паччахьалкхен байракхаца дувзаденнараш довзийташ йола программа кийчъяьяр цига.
«Россе байракха исторех дийцар гулбеннарашта. Байракха хӀара бос сенца бувзабенна, фу белгалдеш ба хайра берашта. Тайп-тайпара викторинаш, иштта кхыдараш доаржадир цига. Мехка истореца, цун Ӏадаташца, культураца дувзаденнача хаттарашта, чӀоагӀа раьза болаш, жоп делар бераша. Кхоллама яхьашка шоай начӀал гучадаккха аьттув баьлар цар», - дийцар «Сердалога» МагӀалбикерча администраце.
Тахан ураотташ латтача вай къонача тӀехьенна дукха хӀама довзийташ, цар Даьхенцара безам чӀоагӀбеш, кхетаче хилар цох. Мехка культура, истори мел дукха хӀама шийна чулоацаш да хайра берашта, дукха адам гулденнача цу кхетаче.
