МагӀалбике тоабир Албохчанаькъан урам тӀара беха лаьтта никъ
МагӀалбике йистедаьхар, Албохчанаькъан урам тӀара беха хинна никъ тоабеш хинна балхаш. 350 метр бӀаьха бола беха никъ, Боазаркъанаькъан урамгара Гоголя урамга кхаччалца, дика тоабаь баьккхар.
«Говзанчаша керда асфальт Ӏобиллар, никъ дика тоабьб. Хӏанз цу наькъ тӀа лела безача гӀашлошта а иштта массанена а кхераме хӀама дац. Из болх дӀаболабир, МагӀалбик шахьара администраце кулгалхочо Галай Мусас тӀадиллача декхарах. Цул совгӀа дукха бахархой латкъаш моттигаш а нийсъелар из бахьан долаш, цох гуш да шахьара кулгалхой, иштта бахархой шоайла бувзам лелабеш хилар», - аьлар «Сердало» газетага МагӀалбика шахьара администраце.
Шахьара бахархой хьашташ теркалдеш хилар, сиха шахьара наькъаш тоадеш хилар бахьан долаш; тоалуш доагӀа цига бахача наьха вахара хьалаш а. МагӀалбика бахархой хӀанз таро йолаш ба, баьча балха мах оттабе, тоабаьча наькъ тӀа паргӀатта лела.
