СВО доакъашхой дезалаша дехар даь, никъ тоабеш латт Магӏалбике
17.09.2025 15:01
Вӏаштӏардаьча цӏенна тӏабодаш бола никъ тоабир Магӏалбике, СВО бӏухой дезалаша дехар даь. Из хоам «Сердалога» бир «Даьхен лорбой» яхача ганза болхлоша.
«Воча хьале хинна никъ меттабоалабе, аьнна, дехар даьраш бар бӏухочун да ӏарчакханаькъан Исмейлхан, де доацаш тӏема аренашка вайнача бӏухочун Янданаькъан Мухьмад-Тӏахӏира нана.
«Даьхен лорбой» яхача ганза болхло волча Коазой Хьамида оарцагӏбаьхар цу гӏулакха шахьарерча мэре къахьегамхой. Цу моттиге асфальт ӏобулларгболаш, кӏалхара кӏийле тоаеш, нийсъеш боахк болхлой карарча хана», - дийцар тхога цу моттигера.
