МагIалбикера керттера урам тоабеш, болх дIаболабир мехка
29.08.2025 10:35
Нурадилов Х. цIерах бола урам тоабеш, болх дIаболабир шахьаре. Вахарера моттигаш меттайоалаярах йолча къаман проектага гIолла, дIахьош ба из боккха болх. «Сердало» газетага из хоам бир наькъий гIулакхех йолча министерствос.
«2,4 км кхаччалца никъ ба болхлой меттабоалабе безар. Асфальт Iобилларал совгIа, наькъаца дувзаденна мел дараш а дикка тоаде лерхI цига», - дийцар тхога.
ХьатIадоагIача шера бIаьстан хана, деррига кхоачашдаь хила дезаш да цига. Вахарера моттигаш тоаярах йолча проектага гIолла, тахан мехка дукха беркате хувцамаш хиннад.
Йиллача ханал хьалха, чакхдоахаш да дукхагIа дола балхаш. 42 километрага кхоачаш бола 12 никъ тоабеш, боккха болх ба укх шера чакхбаккха безар.
