Шахьара моттигаш тоаеш боахк МагӀалбике
21.08.2025 09:52
Шахьара моттигий куц тоадеш, болх ба МагӀалбике дӀахьош. ХӀаьта из гуш да шахьаре гӀолла волавелча.
Администраце болхлоша белгалдечох, Ӏоахарганаькъан цӀерах болча урам тӀа керда асфальт Ӏобиллар болхлоша укх деношка. 350 метрага кхоачаш да кердача наькъаца куц тоадаь доазув.
Никъ боаггӀача боараме, дика хилар чӀоагӀа лоархӀаме да дӀа-хьа ухача машинашта, иштта гӀаш лелача наха. Бахархоша дукха дехар даь, шахьара да волча Галай Мусас тӀадилла, чакхбаьккхар из болх.
Иштта болх дӀабихьар шахьарерча Восход оалача урам тӀа. Бохабаь хинна 150 метрага кхоача никъ ба цига тоабаьр.
Наькъий хьал лерттӀача боарам тӀа даккхар шахьарерча кулгалхошта хьалхашка латтача лоархӀамеча декхарех да.
