Из болх вӀашагӀбеллар яр МагӀалбик- Шахьара администраци, иштта доалахьара болх лелабу Кхоартой Б., Булгучанаькъан А. Берашта цох дика цӀай хилар, яхаш, дийцар газетага.

«ЗаӀапхочун дено хьалхадоаккх вайна могаш боацача наьха лоӀам, низ хилар. Вайх хӀаравар декхарийла ва царна вахара новкъостал де, цар шоай начӀал, говзал гучаяккхара йола таронаш хьакхолла. Цу дийнахьа цхьаькха а бахьан дар, эшачунна новкъостал де, из сага эггара дикагӀа йола оагӀув я», - аьлар вахара отдела кулгалхочо БӀарахой Б.

ЦӀай дӀахьош, дакъа лаьцар шахьара культуран ЦӀен болхлоша, берашта концертни программа вӀашагӀйолларца.

Цига мел хиннараш, дика салоӀам хинна, раьза болаш бар, из ди царна, дукха ха яьлча а, дагадоагӀаш хургда.