МагӀалбике кхувш боагӀарий гӀулакхех йолча комиссе, аргӀанара кхетаче хилар
МагӀалбика администраце кхувшбоагӀарий гӀулакхех, бокъонаш лораярах йолча комиссе аргӀанара кхетаче хилар. Цунна чудоагӀаш дар бархӀ административни гӀулакхага хьажар, кхувшбоагӀарий а цар викалий а оагӀорахьара нийсденна кхоачамбоацараш дувцаш. Цу тайпара хоам «Сердало» газетага бу шахьара мэре.
Керттера теркам тӀабахийтар, берий даьша шоай дезалашта кхетам балара йола оагӀув лораеш цахилара, цу юкъе берий дешар а царга хьожаш хилар а долаш.
«Цхьацца болча даьшта духьала, уж административни бехктокхаме озарах бола соцам тӀаийцар РФ КоАП 1 д. 5.35 ст.», - йоах хоамо.
Иштта комиссе доакъашхоша техкар, цу тайпарча фусамашка кхоачамбоацараш нийсдалара бахьанаш малагӀаш да, уж фу дича юкъера дӀадаргдар. Массадолча дешашца бувзабенна соцам бир, кхувшбоагӀарий бокъонаш лораяра.
