Лаьттан гӀулакхех дувцаш, кхетаче дӀайихьар МагӀалбике
12.03.2025 10:11
Лаьттан гӀулакхех дувцаш, кхетаче дӀайихьар шахьара мэре. Кадастрови балхаш чакхдахара тӀехьа дӀахьош дар из вӀашагӀкхетар. «Сердалога» из хоам бир администрацера.
Кхетаче дакъа лоацаш бар республикерча боахамеи лаьттанцарча гӀулакхехи йолча министерствон болхлой, Росреестра къахьегамхой, шахьара Кхел, иштта «Кадастра инженераш» яхача А СРО «ОКИ» оагӀон болхлой.
Цхьацца проектех, де лаьрхӀарех дийцар кхетаче. Архитектуран, шахьарерча гӀишлоний гӀулакхех йолча моттига хьалха латтача ГӀоандалой И. дийцар доазош къоастадарах, кадастра балхех.
Массанена хетар тохкаргдолаш, дӀабӀаьхбе лаьрхӀар из болх.
