МагӀалбике дӀайихьар «Наркотикаш йоаца дуне» яха яхь
26.06.2025 12:32
Наркоманеца къовсам лоаттабара Халкъашта юкъера ди долаш, МагӀалбикерча №20 йолча ишкола даькъ тӀарча лагере «Наркотикаш йоаца дуне» яха яхь дӀайихьар асфальта тӀа сурташ дехкаш,яхаш, хоам бу «Сердало» газетага шахьара мэре.
Къонача доакъашхоша сурташца гойтар во оамалаш юкъе йоаца сийрда вахар - малхаца, спортаца, иразе болча нахаца. Шоай сурташка бераш гойтар шоаш йоккхача чӀоагӀонца наркотикашта, кхыдолча ийрчача гӀулакхашта шоаш духьала хилар.
Из болх вӀашагӀбеллараш тешаш бар: цу тайпара кхетаченаш дӀаяхьаро берий сакхетам лакхбеш хиларах.
