МагӀалбик-Шахьаре марха доаста сайре дӀайихьар
МагӀалбикерча хьинар долча кагирхоша шахьара марха доаста юкъара сайре дӀайихьар. АргӀанара марха доаста моттиг хилар «Candy» яхача кафе, дукхагӀа бола шахьара бахархой цига баха ловш хул. Укхаза баьхкабар тайп-тайпара ха яьнна нах, шоай бусалба вежарашца цхьана марха даста а ха дӀаяхьа а.
«Цу кхетачен хьаьший бар ГӀалгӀай Паччахьалкхен кулгалхочун заместитель Йовлой Мухьмад, «Ингушнефть» компане кулгалхо Балайнаькъан Ӏумар, шахьара керттерча маьждига имам Баьтаранаькъан ИбрахӀим, шахьара администраце кулгалхо Галай Муса.
МагӀалбика бахархошта, Ӏадат хинна дӀаэттад, цхьана марха дастар. Шергара шу массаза доал, вай хьож дика гӀулакхаш совдаха, мовлат деша, мискашта сагӀа дала», - аьлар «Сердало» газетага МагӀалбика-Шахьара администраце зарбан болх лелабераша.
