Ерригача Россе яхь я МагӀалбике дӀахьош
08.09.2024 12:09
2009-2017-ча шерашкарча берий ший лоӀамерча латарах йола ерригача Россе яхь я МагӀалбике дӀахьош. ХӀанз кхозлагӀа дӀахьош йолча цу яхьо гулбаьб Нохчий, Селий, Балкхарой мехкашкара, иштта кхыйолча моттигашкара спортсменаш. Из хоам «Сердалога» бир шахьара администраце.
«Яхь дӀахьош я «Росмехкдаьтта» яхача спорта ишколе, «Спорт наркотикашта духьала я» яхача проектага гӀолла. Спорт езаш бола дукха нах гулбеннаб къовсамашка хьажа», - дийцар тха газетага. Лакха говзал гойташ, ше-ше коталон лагӀа тӀа вала гӀерташ, беррига низ Ӏобуллаш, лет къона спортсменаш.
