Гогола цӏи лелаеча урама хин турбаш тоаеш боахк
29.10.2025 13:26
Магӏалбикерча Гогола цӏерах болча урамера шоай ха текха яьнна къаьна турбаш хувцаш боахк тахан. 130 метрага кхоачаш я, болх дӏахьош йола моттиг. Шоаш дуаргдар диа яьнна турбаш хувца езача хьалага кхаьча дикка ха яр.
«Шахьара да волча Галай Мусас тӏахьожам беш, дӏахьош ба из лоархӏаме болх. Цига къахьегаш боахкараш ба мехкарча хин гӏулакха ГУП Цаӏ вола оператор яхача оагӏон болхлой. Хин гӏулакх тоадаь даьлча, цу гонахьара моттиг а дикка меттайоалергья», - дийцар «Сердало» газетага Магӏалбикерча администраце.
Оттаяьча ханага хьежжа чакхбоаккхаш латт болх. Шоай хур даь, ма хулла сихагӏа бахархой хьал аттача даккха; болх, гоа ца беш, йистебаккха гӏерташ боахк цига.
