МагӀалбике истола тӀарча теннисах яхьаш хилар
ГӏалгӀайчен «Даьхен лорбой» ганза филиала вӀашагӀъехкар, МагӀалбика кхалерча шоаш доал дечарна лаьрхӀа истола тӀарча теннисах йола яхьаш. Уж яр Дерригача дунен истола тӀарча тенниса ден хетаяь спортивни яхьаш, из ди белгалду бекарга бетта 23-ча дийнахьа, яхаш, хоам бу «Сердало» газетага.
«Шоашта фу карагӀдоал хьежар Украине дӀахьош йолча лаьрххӀача операце доакъашхой, Росгварде урхаллен болхлой, ганза говзанчаш. Цига оттаяьча бокъонашка хьежжа, хӀаравар массанена духьала ловза везаш вар. Цу тайпара цар 11 очко яккха езар», - аьлар хоамо.
Къаьстта массанена дег чу йисар лаьрххӀача операце ветерана Гӏарбакханаькъан Бахьаудина, Чопанаькъан Ахьмада яь ловзара духьале. Безам тӀабодаш дола ловзар чакхдаьлар 2:1 чот йолаш, тӀехьарчунга совле йолаш.
Цу тайпара кхетаченаш дӀаяхьаро пайда лу юкъарча гIулакха. Истола тӀа ловзаш йола теннис олимпийски спорта даькъах лоархӀаш я, цо дегӀабоалабу физически низ, сиха уйла е хар», - аьлар «Даьхен лорбой» ганза юкъарлонца бувзам лелабара кулгалхочун гӀончас Джанхотанаькъан Мадинас.
