МагӀалбике тӀахьожам беча кхела кхетаче хилар
11.12.2024 15:53
МагӀалбика кхален кулгалхо керте а волаш, тӀахьожам лоаттабеча кхела, Россе юкъарлон-паччахьалкхен берий, кагирхой боламца цхьана болх лелабара хетаяь кхетаче хилар.
Таханарча дийнахьа «Хьалхарчар болама» моттигерча отделене доакъашхо ва 3000 саг.
«Со раьза ва, кхувш йоагӀача тӀехьено тхьовра денз хьадоагӀаш дола вай дезала юкъера Ӏадаташ хьаллоацаш, исторически дагалоаттам ца боабеш, могашал тоаяра бола никъ хьаллоацаш хилар», - аьлар Ӏийсай Мусас.
Из кхетаче дӀахьош, моттигерча «Хьалхарчар болам» яхача отделене кулгалхочо Барханой Фатимас хьакхайдир, хьатӀадоагӀача шера дӀабахьа лерхӀача балха керттера декхараш.
«Карарча шера дукха дикадараш дар, со тешаш я, кхы а дукхагӀа хургда уж хьатӀадоагӀача шера», - аьлар цо.
