Наха низ бе тарлуча моттигашта, тӀахьожам лоаттабу МагӀалбике
04.04.2024 12:09
МагӀалбике дӀайихьача терроризма духьале еча комиссе кхетаче дийцар; шахьарера дешара моттигаш, дарбанчеш, иштта кхыйола балха моттигаш терроризм яхача зулама духьала кийча хила езилгах.
«Шахьара да волча Галай Мусас белгалдир, мархий цӀай дездеча деношка, тӀема коталон 79 шу дузача деношка, вай республика хьакхелла ди дездеча хана, Россе ди дезду цӀай долча хана цу оагӀонцара тӀахьожам, терко геттара чӀоагӀа, лакха хила езилга», - дийцар тха «Сердалога» шахьара администраце зарбан болх лелабераша.
МагӀалбикерча дукха адам гуллуш йолча моттигашта тӀахьожам лоаттабергба. Деррига цӀайш дездеш йола кхетаченаш; нах паргӀата, дог делаш болаш, цхьаккха кхерам боацаш; хила еза.
