Лаьтташ, цӀенош Ӏаьдала бокъонах дӀаяздара, тӀахьожам лоаттабергба МагӀалбике
16.08.2024 16:07
Шоай доалахьара лаьтта, цӀенош Ӏаьдало дӀадеххача тайпара каьхаташца шоашта тӀехьа дӀачӀоагӀдеш, бахархоша дӀабахьа безача балхах дийцар МагӀалбикерча администраце.
ДӀайихьача рейдо хьахьекхар, дукхагӀа болча наьха цӀенош, лаьтташ каьхаташ доацаш долга.
«ДӀатела езаш йола йоал, токах, газах доагӀа ахча боаггӀача боараме дӀачутелийтац иштта латтача хьало», - дийцар «Сердало» газетага шахьара администраце болхлоша.
ДӀайихьача кхетаче дийцар, бахархоша из болх чакхбоаккхаргболаш де дезарех. Царна юкъе да, бахархошта из гӀулакх мишта дӀадахьа деза хьалхадаккхар, из мел лоархӀаме болх ба дӀахайтар.
