Шо-шоаш котдовла гӀерташ дар 13 шергара 18 шерга кхаччалца дола бераш.

«Спортаца бувзам лелаберашта доккха совгӀат хул, иштта йолча яхьех. Бераша шоай начӀал дӀагойтаргдолаш, спорт езарий дегаш гӀоздоахаргдолаш дӀакхухьаш да из беркате гӀулакх», - дийцар «Сердалога» МагӀалбикерча администраце.

Шахьаре даха бераш спорта тӀаозара тӀехьа, ишколашта юкъера толашагӀбараш белгалбе дӀахьош яр турнир. Лакха говзал гойташ, спорт шоашта мел гарга я хайташ бар къона теннисисташ. Котбаьннарашта грамоташ, совгӀаташ луш, чакхъяьлар яхьаш.