Газа турбаш хувцаш, дохадаь наькъаш тоадеш латт МагӀалбике
14.03.2025 10:32
Газ чуюллаш дохадаь наькъаш тоадеш боахк МагӀалбике. Из хоам «Сердалога» бир шахьара мэре. Гвардейски оалача ураме болх дӀахьош боахк карарча хана ООО «Стройальянс» яхача оагӀон къахьегамхой.
«Бохабаьча наькъ тӀа асфальт Ӏобиллар йоккха терко тӀайохийташ дӀабахьа безаш болх ба. Машинашта, наха кхераме хургдоаццача тайпара хила деза лотораш, боаггӀача боараме тоадаь латташ хила деза наькъаш», - дийцар тхога шахьаре.
Из болх дӀахьош боахкараш ба АО «Газпром газ лоаттаяра» оагӀон къахьегамхой.
