Наькъашкара кӀоагаш дӀадикъа арабаьннаб болхлой
16.04.2024 11:01
Наькъашкара кӀоагаш доахка моттигаш тоае арабаьннаб болхлой. Албохчанаькъан цӀерах болча урамгара, дӀаболабелар уж. «Сердало» газетага шахьара администраце дийцачох, асфальта бетона наькъ тӀа даьннача кӀоагашта лотораш деш, моттиг шаьръеш, болх дӀахьош латт.
«КӀоагаш дикка цӀендаь, Ӏаьржа кӀув хьакха беза. Цул тӀехьагӀа, ӀотӀабулл асфальт. Ше-ший аргӀагӀа шахьаре дӀахьош болх ба из. Бахархошца бувзам лоаттабеш, арабувлаш, телха латта наькъашкара моттигаш гучайоахаш бу из, цу гӀулакхах бехктокхаме бараша», - дийцар тха газетага.
