МагӀалбике Денала орден елар СВО ветерана Албохчанаькъан Жабраила
МагӀалбике кхетаче дӀайихьар, Россе лаьрххӀача тӀема операце бӀухочунна Албохчанаькъан Жабраила орден луш. Из лоархӀаме гӀулакх дӀахьош хилар «Даьхен лорабой» ганза балхага хьожаш вола Коазой Хьамид. Денала орден - Россе лоархӀамеча совгӀатех цаӀ да, из лу денал, майрал гойтарах, тӀема декхар тӀехдика довзарах, ший са ца кходеш, Даьхен хьашташ кхоачашде кийча хиларах.
«СВО йоккха чов хинна, аьтта ког дӀабаьккха ва бӀухо. Хӏанз цун хьалхашка латт чоалхане декхар - дарба даь, могаш волаш, юха ший вахара юкъевалар. Цу гӀулакха хӀанз цунна кийчбеш ба хьабаь ког, кастлуш из хьакхоачаргба Москвера», - аьлар «Сердало» газетага МагӀалбика администраце.
Жабраила доккха совгӀат хилар ший турпала гӏулакха лакха мах оттабеш, паччахьалкхено ше лархӀарах. Из зӏамига саг Даьхен мутӀахьа волаш, къаьстта из масал шийгара гойташ хьавоагӀа.
Жабраила карагӏдаьннача гӀулакхаша хьагойт, вай даьй хана денз, тӀема гӀулакх дӀадахьара кийча долаш, Даьхе езаш, из бахьан са дӀадала кийча долаш вай къам хьадоагӀаш хилар.
МагӀалбике доаккхал ду шоай турпалхоех. Укхаза 30 совгӀа дезал ба лаьрххӀа йола операци дӀахьош цӀагӀара саг венна, даим терко ю вай бӀухой, царех аа СВО йоккхий човнаш хинна вола кхо бӀухо.
Карарча хана къаьстта цу шахьарера 200 совгӀа бӀухо ва Россе машар, цхьоагӀо лораеш тӀема мугӀарашка.
