ГӀаьнтамаранаькъан цӀерах болча урам тӀа, асфальт биллар МагӀалбике
28.08.2025 16:46
250 метрага кхоачаш болча МагӀалбикерча урам тӀа асфальт Ӏобуллаш баьхкар болхлой. Кхерамзлен хьал дикка тоадеш ба из болх. Цига гӀолла дӀа-хьа ухарашта дуккха паргӀатагӀа хургья хӀанз.
«Шахьара куц тоадара тӀехьа, дикка къахьегаш ба администраце кулгалхой. Къаьстта лоархӀаме да наькъий хьал меттадоаладар. Ара боад эттача а, кхера ца везаш да хӀанз наькъа хьал», - дийцар «Сердалога» шахьара администраце.
ГӀаьнтамаранаькъан цӀерах бола урам тоабе аьнна соцам баьр шахьара да Галай Муса вар. Бахархошта доккха совгӀат хиннад цу гӀулакхах.
