Базорканаькъан Идриса цӀерах бола МагӀалбикера урам тоабеш боахк болхлой
22.07.2024 10:40
Базорканаькъан Идриса цӀерах бола МагӀалбикера урам тоабеш, баьхкар болхлой. Новкъарло еш хинна гаьнаш дӀатедаш, керда бордюрий кхера буллаш, асфальт хувцаш, машенаш Ӏоувттае доазув къоастадеш, боккха болх дӀабихьар шахьаре. Урам тӀарча хӀама йохкача моттигашка хьежжа, доазув белгалдир машинашта лаьрхӀа.
«Шахьара моттигаш бахархошта паргӀата хургйолча тайпара тоаяр чӀоагӀа лоархӀаме болх ба тахан. БоаггӀача боараме болх дӀахьош, наьха вахар аттачахьа даргдолаш, къахьегаш хила деза вай тахан», - аьлар шахьара да волча Галай Мусас.
Шахьара ганзерча рузкъах тоабир урам. ГӀаш леларий, машинашца арабувларий бӀарг гӀадбугаш хӀама хилар цох, дикка къахьийгачул тӀехьагӀа.
