МагӀалбикерча музее экскурси хилар, СВО бӀухой берашта лаьрхӀа
ТӀема, къахьегама сийлен шахьаре МагӀалбике экскурси дӀайихьар СВО доакъашхой берашта лаьрхӀа, яхаш, дийцар «Сердало» газетага «Даьхен лорабой» ганза кулгалхочун гӀончас Джанхотанаькъан Мадинас.
«Из дӀахьош, дешархошта дийцар вай мехкахошта карагӀдаьннача турпалча гӀулакхех. Цига тӀом лаьттача ханашка, бӏухошта уллув латташ, вай мехкахоша дакъа лаьца хиларах а дийцар. Бераша йоккхача терконца ладийгӏар Даьхен исторега, экскурси дӀахьош яр музея тамашийна хӀамаш царна гойташ. Болх вӀашагӀбеллараша бӀухой берашца, Даьхе лораеш латтарашцара лерхӀам совбоаккхаш йола балха оагӀонаш кийчъяьяр», - аьлар хоамо.
Тхоца къамаьл даьчо яхачох, Сийлахь-боккхача Даьймехка тӀема доакъашхой доалахьара майдилгаш, сурташ, кхыдола тӀема гӀирсаш бӀаргадайна музея къона хьаьший, шоай мехках доаккхал деш, хьожаш хилар царга.
