МагӀалбика кхале кийчлуш ба, эскаре амал де кагирхой тӀахьехача ханага
11.09.2024 11:48
Гуйрахьа амал де тӀахьехарца, тӀема контрактах долча гӀулакха ха тӀакхоачаш хиларца дувзаденна хаттараш керттера дар ГӀалгӀайчен МагӀалбика кхален администраце дӀайихьача йоккхача кхетаче.
«ТӀема комиссара ГӀоандалой Микаила дийцар, амал дара тӀахьехаш бола болх лакхача боараме дӀабахьа безаш хиларах. Россе Герзашцарча Министерствоца, тӀема гӀулакха тӀа вахара наха контракт оттаеш хилар дувцаш, цо белгалдир, хӀанз тӀема комиссариата шоай лоӀамах водаш вола ши саг дӀавохийташ хилар», - аьлар «Сердало» газетага МагӀалбика кхален администраце зарбан болх лелабераша.
Администраце кулгалхочо Къоастой Ӏаддалхьамида тӀадиллар, контрактах болхарашта еррига терко яр, уж дика накъабахар, цар каьхаташ кийчдеча юкъа царга хьажар.
