Цунна хетаяь яр аргIанара кхетаче, из дIайихьар МагIалбика кхален администраце. Цига дакъа лоацаш хилар доал деча даькъ тIарча комиссен кулгалхой. «ЛаьрхIа хиннача тайпара дIахьош я кхадж тассарга еш йола кийчо. Хоржамаш дIадахьара кийчъяь моттигаш хила езача тайпара йий хьожаш, болх дIабихьар комиссе доакъашхоша. Кхадж тассара лаьрхIа йола кабинаш, дIа-юха кхухьаш йола яьшкаш хила езача боараме я. Иштта хоржамаш дIадахьара кийчдаьча даькъ тIа видео тIахьожам беш бола а аьшкан хIамаш йий хьожаш бола а гIирс болх беш бий хьежар. Карарча шера МагIалбика кхален даькъ тIа 34 эзар совгIа хоржамхой дIаязбаьб. Кхале 23 хоржама доакъош да. Царех 19 дешара моттигаш я, шиъ деша даха ха йоацача берий фусамаш, йиъ — юрташкара культуран цIенош», — аьлар «Сердало» газетага МагIалбика кхален администраце.