МагӀалбика кхале наьха дехараш довзаш, уж тӀаэцаш ди хилар
МагӀалбика кхале нах тӀаэцаш бар, цига шоай хаттар дахьа йиш йолаш вар хӀаравар.
«Заьзгакъонгий-Юрта яха цхьа яхархо латкъаш яр ток дика цахиларах, ший токаца леладу гӀирсаш даьгад, яхаш. Кхален кулгалхочо Къоастой Ӏаддал-Хьамида тӀадиллар моттигерча Ӏаьдала из хьал тахкар а иштта цу кхалсага хинна зе меттаоттадар а», -аьлар «Сердало» газетага кхален администраце.
«Деррига наьха хаттараш кхален кулгалхочун теркама юкъе хургда, цо бахархой тӀахьийхар шийца, саг юкъе а ца оттавеш, бувзам лелабара.
Нах тӀаэцаш дола ди кхаьра да, 9:00 сахьат даьлча денз 12:00 сахьат даллалца», - аьлар хоамо.
Иштта кхетаче дӀахьош Заьзгакъонгий-Юртарча вахархочо новкъостал дийхар, ший лаьттан доазув хьакъоастаде, аьнна. Мухтара Ӏаддал-Хьамида белгалдир цу хаттарга лаьрххӀа хьажа везаш хилар, из къоастадар тӀадиллар цу гӀулакхах бехктокхаме болча наха.
