МагӀалбика кхале дийцар наькъашка лелара кхерамзленах
Наькъашка лелара къерамзлен Ӏалашо ярах дийцар, цу дешаех йолча комиссе кхетаче дӀахьош. Из хоам тхога бир доал дара даькъ тӀарча администраце.
«ГИБДД администраце викалаш юкъе а болаш, доклад яьраша белгалдир тахан наькъашка лелара хьал мишта латт. Даьхача толамашта юкъе - 19 моттиг я наькъаш тоадаь а геттара чӀоагӀа тоадаь а, уж да 65 км дӀаьха. Иштта гӀашлой лелаш дола наькъа такилгаш а кердадаьхад, кердадараш Ӏодаьхкад. Бакъда комиссе белгалдир ДТП хинна дукха моттигаш йолга, водителий бехктокхам совбаккха безаш хилар. ГИБДД болхлоша, моттигерча имамаша хьехама болх дӀабихьаб маьждигашка, бахархошца», - аьлар хоамо.
Къамаьл дӀахохьош юртарча ишколай викалаша дийцар, дешара моттигашта юхе наькъа кхерамзлен Ӏалашо яь хила езарах.
МагӀалбика кхален администраце кулгалхочо Къоастой Ӏаддал-Хьамида белгалдир, ше кулгалдеш дӀахьош хиннача кхетаче, наькъашка берий кхерамзлен Ӏалашо е езилга, хьалхарча аргӀагӀа латта декхар хилар массане а.
