Кагирхой эскаре тӀабехарах долча гӀулакхах, дийцар МагӀалбика кхале
11.06.2024 09:37
Кагирхой эскаре тӀабехарах долча гӀулакхах дийцар МагӀалбике дӀайихьача кхетаче кхален кулгалдеча Къоастой Ӏаддалхьамида, шахьарерча тӀема коммисариата хьалхалаттача ГӀоандалой Микаила, кхалерча администрацей кулгалхоша. Из хоам «Сердалога» бир шахьара администраце. ХӀара юртдас белгалдир, ше кулгал деча юрта из гӀулакх малагӀча боараме латт.
«БӀаьсти кагирхой эскаре тӀабехара гӀулакх лерттӀа дӀачакхдаккха деза! Укх бетта 13-ча дийнахьа араяргья цхьаькха тоаба, из ха кхачалехь, кийчве веза ялх зӀамига саг», - белгалдир Къоастой Ӏаддалхьамида.
Иштта кхетаче дийцар юрташкарча, шахьарерча наха доал деча цхьацца гӀишлонех. Цхьаккха пайда беш йоацаш, латтарий хьалах дийцар хьакимаша.
