МагӀалбика кхале дийцар, эскаре амал де бӀаьсти кагирхой тӀахьехарах
ГӀалгӀайчен МагӀалбика кхален администрацеи моттигерча тӀема комиссариатои цхьана дӀахьу, бӀаьстанара эскаре кагийнах тӀахьехаш йола кампани. АргӀанара кхетаче хилар, тӀема комиссариата викалаша, СоагӀапчарча депутаташа, кхален администраце кулгалхочун гӀончас Мержой ИсмаӀала дакъа лоацаш.
«Цу кхетаче гулбеннараша дийцар, карарча хана дӀахьош йолча эскаре амал дара кагирхой тӀахьехара кампанех лаьца. Цига белгалдир, эскаре амал де уж тӀахьехаш дола каьхаташ царга дӀадаларца халонаш нийслулга. Гулбеннараша лаьрхӀар; кагирхошца, цар даьшца, этта хьал хьалхадоаккхаш, уж дӀакхетабеш бола болх дӀабахьа. Бахархоша кхетаде деза, Российски эскара мугӀарашка амал дара лоархӀам боккха хилар, цу тӀера бала безам барашта хьалхашка малагӀа халонаш нийслургья», - аьлар «Сердало» газетага МагӀалбика кхален администраце зарбан болх лелабераша.
Таханарча дийнахьа денз, 18 - 30 шерга кхаччалца ха яьннарашта, каьхаташ дӀалургда эскаре тӀахьехаш, кагирхой тӀема комиссариате хьабоагӀаш хила беза, цига лорашка чакхбовла беза, могаш хилар чӀоагӀдеш.
Цу хана, эскаре тӀахьеха ха йола кагий нах, мехкара арабовла йиш яц; из бокъо толхаяь моттиг хуле, 30 эзар сомага кхоаччалца гӀод тохаргда царна Ӏаьдало.
