«Юртий администрацей кулгалхоша баьча балхах дийцар, шоашта цу даькъ тӀа карагӀдаьннар а иштта укх бетта 25-29-ча деношка керда тоаба эскаре дӀайодаш хилар а белгалдир», - аьлар «Сердало» газетага МагӀалбика кхален администраце зарбан болх лелабераша.

Йоккхача кхетаче иштта дийцар цӀера кхерамзлен Ӏалашо е езарах, хьатӀайоагӀа ха цунна духьалара болх лелабе безаш йолга белгал а деш. Юрташка цӀи яьнна моттиг нийслойя а, из дехьаяргйоацаш оахамаш даьд, нахаца хьалхадаккхара бола болх дӀахьош ба, иштта цӀи ялара кхераме йолча моттигашка хьожаш ба цу гӀулакха бехктокхаме бараш.