МагӀалбика кхале массаза санна нах тӀаийцар
05.03.2025 15:08
МагӀалбика кхале нах тӀаэцаш хилар. Цига цу кхален кулгалхочунга лоархӀамеча вахара хаттарех, вахара хьалех, социальни гӀо дарах дола кхайкарал дир моттигерча кхалнаха. Къоастой Ӏаддал-Хьамида ший гӀончаца Хамхой Ӏалиханаца техкар дехараш, цо царна гӀо де лаьрхӀар, яхаш, дувц «Сердало» газетага кхален администраце.
«Хӏара сага хаттар, дехар са теркама юкъе хургда, из кхоачашдаь даллалца. Аз тӀахьех бахархой шоай хаттараш къаьстта сога гӀолла кхоачашде хьажара. Нах тӀаэцаш ба массаза санна кхаьрача дийнахьа 9:00 даьлча денз 12:00 сахьат даллалца», - аьлар кхален кулгалхочо.
Тайп-тайпара шоай хаттараш дахьаш дукха нах баьхкабар, цу юкъе лаьрххӀача операце доакъашхой а болаш. Кулгалхочо уж лоаццача хана кхоачашдергда аьлар.
