МагӀалбика кхалера догӀаша дохадь наькъаш тоадир
ГӏалгӀайчен МагӀалбика кхале, чӀоагӀа догӀаш делхарах деха хинна наькъаш тоадир. «Сердало» газетага яздаьдар, Ачалкхен даькъ тӀа ядача юрташкара хьал хала хиларах. Цига хинначул тӀехьагӀа, кхален администраце кулгалхочо Къоастой Ӏаддал-Хьамида тӀадиллар лоаццача хана уж халонаш юстаръяхар.
«Болх дӀаболабир тов бетта 10-ча дийнахьа. Тоабе безаш бар 8 урам Йоккхача Ачалкхера, Даби-Юртара. Хьалхарча аргӀагӀа никъ тоабе болабелар Йоккхача Ачалкхен Гагарина цӀерагӀча урам тӀа, цига бах лаьрххӀача операцен доакъашхочун Новразанаькъан Ӏаьлий дезал. Карарча хана, деррига наькъаш тоадаь даьннад», - аьлар «Сердало» газетага МагӀалбика кхален администраце.
Юртарча наькъий хьалаш во хилар, сага вахара Ӏаткъаш да. Цар таро лу вахара, экономикан моттигашка кхача, вахара таронаш дикагӀа ю. Никъ дика хилийтар лоархӀамеча декхарех цаӀ да.
