Коталон ди дездарах дийцар МагӀалбике
20.03.2025 10:33
Сийлахь-боккхача Даьймехка тӀема котало яьккха 80 шу дизарах дувцаш, кхетаче дӀайихьар МагӀалбикерча культуран цӀагӀа. Кхетаче дакъа лоацаш бар администраце кулгалхочун гӀонча йола Иленаькъан Зейнап, иштта Ӏаьдала, культуран оагӀон болхлой. Из хоам «Сердалога» бир администрацера.
Коталон денна хетаяь дӀаяхьа езача кхетаченах, кагирхой Даьхе езаш, шоай истори лоархӀаш кхебара тӀехьа дийцар цига. Карарча хана кхоачашде аьттув баьннараш теркалдир кхетаче.
«Коталон цӀай лакхача боараме, цхьаккха кхоачамбоацар юкъе доацаш дӀадаха деза», - белгалдир Иленаькъан Зейнапа.
Массане цхьана болх дӀахьош, боккха теркам тӀабохийташ кхоачашде дезаш гӀулакх да тӀема коталон 80 шу дездар.
