МагӀалбика кхален моттигий хӀама тоадарах дийцар шахьаре дӀайихьача кхетаче
04.09.2025 09:34
МагӀалбика кхален моттигашкарча администраце кулгалхошца кхетаче дӀайихьар кхален администрацена хьалха латтача Къоастой Ӏаддал-Хьамида. Кхален моттигаш тоаярах, цу оагӀонца дӀабахьа безача балхах дийцар гулбеннарашца.
«Кхетаче белгалдир эггара керттердараш. Кхален моттигашка хьалъе езача вахара оагӀонцарча гӀишлоех хьоахадир хьакима. ДӀахо де дезарех, шоаш дӀабахьа лерхӀача балхах дийцар кулгалхоша, иштта, «Ишколе даха кийчде бер» яха болам хьаллоацаш, хала боахкача дезалашкарча берашта гӀо деш кхачашдаьрех дийцар», - йоах «Сердалога» бенача хоамо.
Къоастой Ӏаддал-Хьамида белгалдир, кхален хӀара юртарча администраце. къахьегараша шоай декхараш дизза кхоачашде дезилга, кхален моттигаш тоаяра тӀехьа цхьана болх лоаттабе безилга.
