Кхетаче дӀахьош техкар, Мархий бутт хиларца дувзаденна, юртбоахама ярмаркаш дӀаяхьара дешаш, наха паргӀата хьалаш хургдолаш. Из хоам «Сердало» газетага бир кхален мэре.

Къоастой Ӏаддал-Хьамида белгалдир хьатӀадоагӀа цӀай лоархӀаме хилар, иштта тӀадиллар цунца дувзаденна дӀахьош дола кийчон балхаш лерттӀа чакхдахар. Цо царна хьалхадаьккхар, ший гӀонча Хамхой Ӏалихан уж кхоачашдара тӀахьожаш хургволга», - аьлар хоамо.

Цул совгӀа, кхетаче дийцар кхален хьалхашка латта федеральни проекташ кхоачашъяра декхарех, цу юкъе Заьзгакъонгий-Юртара Центральни оала урам тоабар а долаш, из чудоагӀаш да «Шахьара дика хьалаш хьакхоллар» яхача къаман проекта.